Studentët e ardhshëm ftohen të kontaktojnë Zyren e Pranimeve për të pyetur rreth programeve të studimit, kritereve të pranimit, tarifave të shkollimit dhe shërbimeve të disponueshme për studentët ose të aplikojnë online duke plotësuar formularin e aplikimit i cili është i disponueshëm në https://cit.edu.al/admissions-3/

Ju do të kontaktoheni për informacione të mëtejshme nga Oficeri i Pranimeve.

Për dorëzimin e aplikimeve nuk aplikohet asnjë pagesë, si për studentët vendas dhe ndërkombëtarë.

Zyra e Pranimeve është destinacioni juaj i parë në Kolegjin Universitar “Instituti Kanadez i Teknologjisë”!

Zyra e Pranimeve ruan një politikë të hapur dhe mirëpret të gjithë studentët e ardhshëm dhe familjet e tyre.

Ne ndihmojmë studentët e interesuar gjatë procesit të pranimit në ” Institutin Kanadez të Teknologjisë” në një mënyrë të drejtë, efikase, në kohë dhe në një mënyrë miqësore për kandidatët.

Afatet e rëndësishme kohore të pranimeve

Periudha e aplikimit në CIT është e hapur gjatë gjithë vitit, por regjistrimi bëhet vetëm në shtator.

Procesi i regjistrimit dhe kalendarit me afatet përcaktohet çdo vit me një urdhër të Rrjetit Akademik Shqiptar dhe Qendrës Shqiptare të Shërbimeve Arsimore.

CIT vendos afatet për pranimet në programe studimore bachelor dhe master në përputhje me udhëzimet e Ministrisë së Arsimit dhe Sportit dhe urdhrin e RRASH dhe QSSA.

Kërkesat e kualifikimit për Programet Bachelor

Për t’u regjistruar në universitetin tonë, të gjithë nxënësit e shkollës së mesme duhet të zgjedhin Kolegjin Universitar “Instituti Kanadez i Teknologjisë” si një nga 10 zgjedhjet e tyre në dispozicion në Portalin e UAlbania.

Për t’u regjistruar në portalin e UAlbania për të studiuar në një nga programet tona, duhet të keni:

• Kryer shkollën e mesme me rezultate të suksesshme dhe të jeni pajisur me Diplomën e Maturës;
• Përfunduar me sukses arsimin e lartë në vende të tjera, të pajisur me diplomën e tyre përkatëse dhe ta kenë diplomën të njohur (ekuivalencën) nga Qendra e Shërbimeve Arsimore (QSHA);
• Notë mesatare shkollore e lartë (GPA) 6.5 dhe më shumë;

Për Klasifikimin

Për të gjithë kandidatët që kanë të njëjtën notë mesatare, për të siguruar një klasifikim më të saktë, Kolegji Universitar “CIT” do të aplikojë formulën e llogaritjes si vijon:

• 70% e mesatares së notave të larta shkollore për të gjitha vitet dhe 30% e mesatares së notave të grupit të lëndëve të vlerësuara si të rëndësishme për çdo program studimi;
• 30% e grupit të lëndëve për programet e Fakultetit të Ekonomisë do të përbëhet nga:

o Matematika

o Fizika

o Ekonomia

• 30% e grupit të lëndëve për programet e Fakultetit të Inxhinierisë do të përbëhet nga:

o Matematika

o Fizika

o Informatika

Kriteret e Gjuhës Angleze

Kandidati duhet të ketë një mesatare të notave në gjuhën angleze 6 ose më shumë sipas provës detyruese të gjuhës angleze ose provës opsionale të gjuhës angleze të Maturës Shtetërore.

Në rastet kur kandidati nuk ka marrë provën e gjuhës angleze detyruese ose opsionale në Maturën Shtetërore, do të konsiderohet e vlefshme provimi institucional ose çdo lloj certifikate ndërkombëtare e njohur nga MAS. Niveli minimal i nevojshëm i njohurisë së gjuhës angleze është B1.

Kërkesat e kualifikimit për Programet Master Shkencor

Instituti Kanadez i Teknologjisë kërkon që të gjithë studentët e rinj të plotësojnë një formular aplikimi për t’u pranuar në një nga programet e Masterave shkencorë të ofruara në CIT.

Ky formular mund të plotësohet online ose në ambientet e Zyres së Pranimeve. Studentët do të klasifikohen për t’u pranuar në një nga programet Master nëse plotësojnë kriteret e mëposhtme:

• Të kenë përfunduar me sukses studimet e tyre në Republikën e Shqipërisë ose jashtë saj dhe të kenë marrë Diplomën e duhur, nga një program i ciklit të parë “Bachelor” ose një program i integruar i ciklit të dytë, i akredituar në momentin e diplomimit të studentit;
• Të kenë një mesatare GPA idealisht jo më poshtë se 7.5.
• Niveli i kërkuar i gjuhës angleze është B1 ose më lart. Nëse kandidati ka përfunduar studimet e tij bachelor në një universitet ku mësimi zhvillohet në gjuhën angleze, atëherë certifikata e gjuhës angleze nuk është një detyrim për të.

Testet ndërkombëtare të njohura nën udhëzimet e MAS janë:

• TOEFL (IBT), TOEFL (IPT)
• Cambridge
• IELTS
• TOEIC
• APTIS
• GESE

Certifikata e Anglishtes është e vlefshme sipas definicionit të institucionit shpërndarës.

Përfundimi i regjistrimit tuaj në Sekretaritë përkatëse

Për të përmbyllur regjistrimin tuaj në portalin e përdoruesit të UAlbania (https://ualbania.al/), duhet të shkoni në zyrën e sekretarisë për të finalizuar regjistrimin tuaj dhe për të marrë statusin e studentit.

Tarifa e regjistrimit është 300 €.

Për të përfunduar regjistrimin, ju nevojiten dokumentet e mëposhtme:

Regjistrimi në programet Bachelor:

• Kopje e noterizuar e diplomës së shkollës së mesme dhe transkripteve me një mesatare të paktën 6.5/10
• Dokument identifikimi (kopja e kartës së identitetit ose pasaportës)
• 2 Fotografi
• Deklaratë e printuar nga IAL
• Formular aplikimi (i printuar në IAL)

Regjistrimi në programet Master:

• Kopje e noterizuar e Diplomës Bachelor dhe Listës së Notave
• Kopje e noterizuar dhe e certifikuar në Drejtorinë Rajonale të Arsimit të diplomës së shkollës së mesme dhe Listës së Notave
• Dokument identifikimi (kopje e kartës së identitetit ose pasaportës)
• 2 Fotografi
• Certifikatë Ndërkombëtare e Provës në Gjuhën Angleze
• Deklaratë e printuar nga IAL

Letra e pranimit

Gjatë procesit të regjistrimit, sekretarët e CIT mbajnë një regjistër të veçantë për dorëzimin e dokumentacionit, datën dhe orën e dorëzimit, si dhe nënshkrimin e aplikantëve të regjistruar. Pas nënshkrimit në regjistër, sekretari i CIT, në prani të aplikantit, kryen regjistrimin online në portalin U-Albania.

Në fund të procedurës, aplikanti dhe sekretari nënshkruajnë dy kopje të formularit të printuar nga sistemi, nga të cilat njëra i jepet aplikantit.

Dokumentacion i falsifikuar për regjistrim

Në rast të dorëzimit të dokumenteve të falsifikuara, studenti do të jetë subjek i masave të parashikuara nga Kodi Penal dhe ligjeve dhe nenligjeve të tjera në fuqi.

Në rast dyshimi për autenticitetin e informacionit të deklaruar, institucioni përgjegjës për ofrimin e shërbimit arsimor dhe/ose CIT, ndërmerr fillimin e procedurës së kontrollit të të dhënave, duke ia dërguar këto të dhëna organeve kompetente.

Nënshkrimi i Kontratës së Studimeve

Pas përfundimit të regjistrimit në zyrën e sekretarisë, ju duhet të nënshkruani kontratën e studimeve që do të specifikojë temat e mëposhtme:

• Kuadrin Ligjor
• Të Drejta dhe Detyrimet e të dyja palëve
• Programin e Studimit
• Tarifat e Shkollimit
• Rimbursimin
• Pagesat
• Metoda e pagesës
• Kohëzgjatja e kontratës
• Përfundimi i kontratës

Statusi Zyrtar i Studentit në CIT

Pas regjistrimit, do t’ju jepet llogaria juaj e email-it, me të cilën mund të keni akses edhe në sistemin CIT UMS.

Java e parë është e programuar si një javë orientuese, gjatë së cilës studentët takohen me profesorët e tyre.

Profesorët do t’ju shpjegojnë programin e kursit, metodologjinë që do të përdorin gjatë vitit akademik dhe numrin total të kredive të nevojshme për të kaluar në vitin akademik të ardhshëm.

Ndërprerja dhe Rifillimi i Studimeve

Studentët mund të kërkojnë ndërprerjen (ngrirjen) e studimeve për periudha të shkurtra. Për të ndërprerë studimet, studenti duhet të plotësojë formularin e dedikuar, i cili mund të gjendet në zyrën e sekretarisë ose në faqen e internetit në link m poshtë: https://cit.edu.al/student

Politika

• Për ndërprerjen e studimeve për periudha të shkurtra, studenti duhet të plotësojë formularin përkatës, i gjetur në Zyrën e Sekretarisë së Fakultetit ose në faqen e internetit, në të cilin do të shpjegohen arsyet dhe të tregojë kohën për të cilën kërkojnë ndërprerjen e studimeve.
• Pas plotësimit të formularit, studenti e dorëzon atë në zyrën e sekretarisë së fakultetit dhe pret miratimin nga strukturat drejtuese të fakultetit (Dekani).
• Brenda 7 ditëve të punës do të marrin një përgjigje zyrtare për kërkesën e dorëzuar nga Dekani i Fakultetit.
• Studentët, të cilëve iu miratohet ndërprerja e studimeve për një periudhë të caktuar, nuk do të kenë asnjë barrë financiare për periudhën e aprovuar.

E rëndësishme

• Në të gjitha rastet, miratimi i ndërprerjes së studimeve nuk duhet të tejkalojë 1 (një) semester, dhe në raste të veçanta nuk duhet të tejkalojë 2 (dy) semestra të njëpasnjëshme.

• Për studentët që ndërpriten nga studimet pa marrë miratimin e fakultetit, marrëveshja kontraktuale do të vazhdojë të aplikohet dhe nuk do të ketë ndërprerje të obligimeve financiare.

Rifillimi i studimeve

Për rifillimin e studimeve për studentët që i kanë ndërprerë ato për arsye të përcaktuara në formularin e kërkesës për ndërprerje, studenti duhet të plotësojë formularin përkatës, i cili është i disponueshëm në zyrën e sekretarisë së fakultetit ose në faqen e internetit në link si më poshtë: https://cit.edu.al/student.

Pas plotësimit të formularit, ata e dorëzojnë në zyrën e sekretarisë së fakultetit. Brenda 7 ditë pune, ata do të marrin një përgjigjje zyrtare për kërkesën e tyre nga Dekani i Fakultetit.

Terheqja nga Universiteti

Në fund të semestrit ose para fillimit të një semestri të ri, studentët mund të kërkojnë tërheqjen nga Universiteti për arsye si studime jashtë vendit, vështirësi financiare, vështirësi në gjuhën angleze, arsye mjekësore, etj.

Studenti duhet të plotësojë formularin e dedikuar dhe të dorëzojë kërkesën në sekretari. Formulari mund të gjendet në zyrën e sekretarisë ose në faqen e internetit, në link si më poshtë: https://cit.edu.al/student. Kërkesa për tërheqje vlerësohet dhe në rast të miratimit, Rektori urdhëron çregjistrimin e studentit nga “Instituti Kanadez i Teknologjisë”.

Instituti Kanadez i Teknologjisë mund të nisë procedurën për tërheqjen nga Universiteti për studentët në raste mashtrimi, plagjiature ose sjellje të tjera kundër rregullores dhe procedurave të CIT.